# आफ्नै बारेमा #
केहि लेख्नु छ
आफ्नै बारेमा ...
सोधें स्पर्शमा
हावालाई
सोधें एकान्तमा
शून्यतालाई
देखेर अन्धो अनुभवहरु
समयलाई सोधें
खोस्रिएर भुईको माटोमा
कोरिएको छ कि कतै
पाईतालाको संस्मरण
याद छ
कहिले ऊन जस्तै हिउँमा
पग्लेको रहर
याद छ
कहिले पारिलो घाममा
झुमेको प्रहर
कहिले
सुनसरी सहरको माथि-माथि
हजार सपनाको आँखा भरि
पौडिएको
छ नि याद !
तर या म समय बनें
या समय म
भन्नै त यति साह्रो
खै, कसरि लेखूँ ?
तर, लेख्नु छ केहि
आफ्नै बारेमा ...